Pigpapanindugan kan National Bureau of Investigation na mayong duda an pagkakatugma kan fingerprint ni suspended Bamban, Tarlac Mayor Alice Guo asin Chinese passport holder na si Guo Hua Ping.
Sigun ki NBI Head of Dactyloscopy Dr. Alfredo Kahanding, gabos nin mga resulta kan fingerprint analysis asin pig-aako sa gabos kan korte komo pusog na bayadan. Paliwanag kan opisyal, unique an kada fingerprint kan kada tawo kaya nakakasierto sinda na accurate an resulta kaini.
Katakod kaini, pigsierto kan NBI na padagos nindang pighahanap an kapangaran kan tugang ni Guo na si Sheila Guo na naireport na nag apply nin NBI Clearance.Basado sa datos kan NBI, an parehas na alice Guo asin Sheila Guo an igwang address na Kalantiaw Street, QC.
Alagad kan bisitahon ini kan NBI, mayong Alice asin Sheila go an nakaistar sa lugar.
Pigsierto man kan ahensya na padagos an saindang pagguno nin impormasyon tanganing mahanap an mga nasambitan ng personalidad.
