Pigkalampag ni Senator Sherwin Gatchalian an Law Enforcement Agencies na tutukan asin aramon an biglang pagkawara kan iba pang mga kasabwat sa iligal na operasyon kan mga Philippine Offshore Gaming Operators o POGO sa Bamban asin Porac.
Sigun ki Gatchalian, ini an saro sa mga isyu na kaipuhan na hampangon kan mga otoridad.
Pigsaysay kan lehislador na magayon na dangugon na kadakol na POGO an na-raid asin nagpapasalamat ini sa paghiro asin pagbubuwis-buhay kan mga Law Enforcement Agencies mahanap sana an kuta kan mga krimen kan POGO.
Alagad maski magsunad nin kaso, balewala man huli ta physically mayo na sa Pilipinas an mga imbwelto sa krimen kan illegal POGO operation.
Basado soboot sa mga dokumento kadakol kasabwat si Guo Hua Ping o mas bistado komo si dismissed Bamban, Tarlac Mayor Alice Guo, sa pagpapatindog kan mga POGO hub.
Kadakol sa mga indibidwal na nasa incorporation papers kan Lucky South 99, Whirlwind Corp., Baofu Land, Zun Yuan, asin Hongsheng an nakaluwas na nin nasyon.
