Pigkumpirmar kan Department of Budget and Management (DBM) na inaprubaran ni Presidente Ferdinand R. Marcos Jr., an pagkua nin nasa 20,000 na paratukdo ngunyan na 2025.
Sigun ki Budget Secretary Amenah Pangandaman, katakod pa man ini sa kahurotan kan Presidente na siertohon an kalidad kan edukasyon asin matutukan an mga estudyante.
Nasa 4,000 an dugang sa kukuanong Teacher I positions sa irarom kan batch 2 kan kahagadan kan Department of Education.
Labi 1,600 digdi an para sa kindergarten/elementary, 391 para sa junior high school, asin 1,951 para sa senior high school.
Naenot ng pig-aprubaran kan Mayo an 16,000 na posisyon para sa kabilogang 20,000 paratukdo na request kan DepEd.
Kukuanon an pondo sa irarom kan 2025 General Appropriations Act partikulamente sa New School Personnel Positions kan Education Department.
Kan Abril, inaprubaran man kan DBM an pagkrear nin 10,000 non-teaching positions sa DepEd para man pagianon an administrative work kan mga paratukdo.
