Pigsierto kan Department of Health (DOH) na mayo nin dpat ikahadit an publiko sa nagin 6% na increase sa mga dengue cases sa nasyon kan huring duwang semana kan Mayo.
Sigun ki DOH Spokesperson Albert Domingo, basado sa datos kan saindang opisina, puon kan Abril 27 hasta Mayo 10, nakapagkurit an DOH nin 6,192 na mga kaso kan dengue na bahagyang naglangkaw kan Mayo 11 hasta 24 sa 6,217.
Dae soboot nahihiling an nakakaalarmang paglangkaw sa kaso nin huli ta sa mga sisirng na panahon man, naglalakaw talaga an numero kan mga kaso nin dengue.
Sa ibong na lado, nangapodan si Domingo na dawa normal an mga nagin paglangkaw sa numero kan mga natatamaan nin dengue sa nasyon, sa siring na mga panahon an dae na pagpabayaan na palobohon pa.
Dugang pa ni Domingo, laog sa global standard an fatality rate kan Pilipinas sa pagsugpo kan dengue. Pigkakarkulong nasa 0.4% an presenteng fatality rate kan nasyon kun saen sa 100 mga pilipinong may dengue, dae malangkaw sa apat an nagagadan.
Mientrastanto, naenot naman digdi, naglunsar na nin programa an DOH tanganing orog pang mapakusog an saindang laban kontra sa pagdakol kan dengue cases sa nasyon.
