Inaprobaran na kan Land Transportation Franchising and Regulatory Board (LTFRB) an implementasyon kan paglangkaw kan pamasahe sa pampublikong transportasyon, partikularmente sa mga jeepney asin bus, huli sa sunod-sunod na big time oil price hikes.
Segun sa LTFRB, sigurado na an implementasyon kan fare increase alagad sakop pa ini kan justification hale sa Department of Transportation (DOTr) kun gurano an iimplementar na fare hike.
Apwera pa kaini, sinabi man kan LTFRB na sakop kan fare hike an gabos na nagsangat nin petisyon para digdi alagad dae man maiba sa anunsyo an mga taxi asin UV Express makalihis na magsumiter kan mga ini kan saindang petisyon dai pa sana nahahaloy.
Pig-eksplikar kan ahensya na kinakaipuhan pang mag-agi asin maibali sa hearings asin nationwide consultation program antes ini maaprobaran.
Mientrastanto, an kantidad kan dagdag sa pamasahe sa pampublikong transportasyon nakatalaan na ipaisi sa Martes, Marso 17.
