Posibleng ipautob sa mga masunod na aldaw an dagdag -pasahe sa mga pampasaherong bus kasunod kan linalaoman na pag aprubar kan bagong fare matrix.
Sa intrevista kan Bombo Radyo Naga ki Nonoy Reforsado-City Government Department Head and Terminal Manager – Bicol Central Station, kinakarkulong maabot sa 30 hasta 35 sentimo kada kilometro an posibleng ilangkaw sa pamasahe sigon yan sa inisyal na pagsusuri kan sektor kan transportasyon.
Kun maisasakatuparan, pweding magresulta ini sa dugang na poco mas o menos P138 hasta P150 sa pamasahe para sa mga byahe pasiring sa Metro Manila partikular sa mga air conditioned na bus.
Linalaoman na an mga bus companu masumiter kan saindang aplikasyon sa kinauukulan na ahensya tanganing maisaayos an bagong singil. Mientrastanto, piglinaw kan opisyal na dai pweding magpautob nin anu man na dagdag pasahe an mga driver kun mayo pa ni opisyal na abiso asin dai ini dapat na nakapaskil sa laog kan mga behikulo.
Importante an malinaw na fare matrix tanganing masierto na naipapaaram nin tama sa mga pasahero an anuman na pagbabago sa singil sa pamasahe.
Sa presente, nagtitiner na normal an daloy kan mga pasahero sa mga terminal alagad, linalaoman an pagdagsa kan mga byahero pag abot kan huring semana kan Marso kasabay ka posibleng pagtaas kan demand sa pampublikong transportasyon.
