Dae pigsayumahan kan Department of Agriculture (DA) na naglangkaw nin bahagya an presyo kan mga karneng orig sa nasyon huli sa epekto kan African Swine Fever.
Sigun sa DA na sa saindang ginibong pag-iikot sa mga palengke, napansin ninda an nasambitan ng epekto kan paglangkaw nin presyo.
Gikan kaya sa dating P390 kada kilo kan karneng orig, nasa P450 hasta P490 na ngunyan an kada kilo.
Dugang pa kan DA na gikan sa dating 13 milyon an mga swine heads sa bilog na nasyon antes an pagtama kan ASF, naging 8.5 milyon na sana ini.
Tanganing masimbagan ini, plano soboot nindang maglaog nin Food Terminal Incorporated (FTI) na direktang mabakal ka mga karneng orig sa mga piggery owner.
Naglalaoman man an DA na maaprubaran na kan Food and Drugs Administration (FDA) an commercial release kan bakuna kontra sa ASF.
