NAGA CITY – Hagad ngunyan kan pamayo kan Sports Division kan DepEd Naga sa mga coaches na mapagtuunan nin pansin an mga potential kan mga aki sa paagi kan pag-enkaminar sa mga ini asin sa saindang expertise sa manlaen-laeng sports.
Sa nagin paghampang sa mga kagawad kan media ni Renz Chavez, DepEd Naga Sports Division Head, sinaysay kaini na nagtutubod ini na magigibong magtalubo asin matibay na parakawat kan sarong aki enkaso mag-agi an mga ini sa tamang training.
Dae man soboot dapat na mawara an suporta kan mga magurang orog na ta matagama an saindang mga aki nin oras, kusog, effort asin gastos na mangangaipuhan nin pag-intindi kan saindang mga mahal sa buhay.
Tinawan duon man kan opisyal na dakula man an papel kan tabang gikan sa mga LGU pag-abot sa mga siring kaining kaganapan huli ta karaniwan an mga ini an nagtatao nin mga tamang programa para sa mga atleta, pondo para sa saindang mga pangangaipuhan asin iba pa.
Pig-ako man kan opisyal na igwa na nin kalumaan an mga piggagamit nindang equipments alagad piggigibuhan naman ini nin paagi kan mga coaches tanganing masierto na igwa man giraray nin magagamit an mga atleta kan syudad.
Nakikipagkoordinar naman sinda sa manlaen-laeng mga personalidad na pupwedeng makapagheras nin tabang para sa sainda.
