NAGA CITY- Nagpuon na an paglilinig nin mga puntod sa Camaligan Cemetery katakod kan papaabuton na Undas 2025.
Sa entrevista kan Bombo Radyo Naga ki Salvador Espiritu, saro sa mga naggpapalinig nin puntod, sinaysay kaini na taon-taon dae soboot ninda nalilingawan na bisitahon an saindang mga kapamilya na enot naman nagtalikod sa kinaban.
Sigun pa ki Espiritu, amay an saiyang pagpapalinig sa mga puntod tanganing dae magsabay sa dagsa kan mga tawo na mapasiring sa sementeryo asin tanganing preparado naman ini antes pa an mismong pag-obserbar kan Undas.
Pigtawan duon ni Espiritu na kaipuhang magtagama nin oras asin panahon na bisitahon asin mag-alay nin pangadyion an mga tawo para sa saindang mga yumaong kapamilya orog na ngunyan na labing ka-busy an mga tawo sa kanya-kanyang trabaho asin pinagkakasiributan.
Dugang pa kaini, sa laog nin haros sarong taon sa panahon man sana kan Undas nagkakaigwa nin pagkakataon an iba na magbisita sa mga puntod kan saindang kaparientes kaya ini soboot an aldaw na pano-pano nin tawo an mga sementeryo sa bilog na nasyon.
Sa ngunyan, hagad na sana ni Espiritu sa publiko na lugod dae malingawan kan mga ini an tunay na rason sa pag-obserbar kan Undas 2025.
