Normal sana an ginibo ni Presidente Ferdinand ‘Bongbong’ Marcos Jr. sa pagpapa-resign sa saiyang mga cabinet members na soboot huli sa saiyang ginibong recalibration.
Sigun ki political analyst Atty. James Reserva, nahiling kan Presidente na bakong magayon an performance kan saiyang mga opisyal sa gabinete sa enot na tolong taon kan saiyang termino basado na sa resulta kan eleksiyon na nagpahiling kan pag-reject kan mga tawo sa saiyang liderato.
Tanganing makabawi, saiyang pigpasumiter nin courtesy resignation an saiyang mga cabinet secretaries mantang pig-evaluate an saindang performance asin kun igwang naganap na kurapsiyon.
Alagad an problema soboot huli an kaidtong iwal kan partidong Alyansa ng Pagbabago na iyong line-up kan mga Duterte na pigkokonsiderar na underdog kumparar sa pambato sa administraston, an iyong pigpapaboran kan kadaklan na mga Filipino.
Ini soboot an rason na nag-iba nin game plan an administrasyon gamit na an mga bagong ibubugtak na mga players sa pagmamawot na maitatao sa sangkatauhan an haloy na nindang pigmamawot na epektibong serbisyo sa ibong kan ibong-ibong na mga ayuda na pigtatao kan gobyerno.
Nasa panic mode soboot ngunyan an administrasyon makalihis na dae mag-obra an saindang game plan puon kan pigpa-impeach ninda si Vice President Sara Duterte na pigsunodan man kan pag-arestar sa ama kaining si dating Presidente Rodrigo Duterte.
Nadugangan pa soboot an momentum kan mga Duterte kan ihayag ni VP Sara na magkakaigwa nin bloodbath sa saiyang impeachment trial na kinahahadit ngunyan kan administrasyon rason sa saindang ginibong radical adjustment.
