Bumwelta si Senadora Risa Hontiveros sa nagin pahayag ni dating Presidente Rodrigo Duterte na gadanon an 15 mga senador tangani na magtaong dalan sa PDP senatorial candidates na saiyang ineendorso.
Pigsaysay ni Hontiveros na an dapat soboot na iprayoridad kan gobyerno kan nasyon iyo an pagpapababa kan mga barakalon sa merkado imbes na mag-udyok nin kadahasan.
Pigsabi man ni Senate President pro tempore Jinggoy Estrada na mahilig sana na mang suba an dating Presidente Duterte asin mayo soboot isyu sa saiya an pigbutasan na pahayag kaini na mag gadan nin 15 mga senador tangani sanang magtao nin dalan sa 9 na senatorial candidates na saiyang ineendorso.
Sigun man ki Senador Ramon Bong Revilla Jr., burak sana kan nguso o expression sana soboot ito ni Duterte, dae man soboot ini natatakor sa nagin tataramon ni Digong nin huli ta igwa soboot ini nin agimat.
Sa nagin kayang patara-tara ni Duterte sa Proclamation Rally kan nakalihis na bulan nin Pebrero 13, pigsaysay kaini na gagadano an mga senador na nakatukaw ngunyan tangani sanang mabakante para sa siyam na PDP senatorial candidates.
Enkaso makagadan nin kinseng mga senador, sigurado sobot na laog an gabos kan saiyang pig endorso.
