Binatikos ni Negros Oriental Representative-elect Janice Degamo, agom kan ginadan na dating gobernador na si Roel Degamo an nagin pagpapadara sa ospital ki former Congressman Arnolfo ‘Arnie’ Teves Jr. Kun saen kinuwestyon kaini an nagin lakdang kan mga otoridad kan ini darahon sa ospital huli sa pigmamati kaining helang.
Pagdududa kaya ni Janice Degamo na kun siring man an pagtrato sa sarong regular na preso o ‘inmate’ sa irarom kan sistema kan mga kulungan sa nasyon.
Kaya man maduon kaining binatikos magin an rason kan dating kongresista sa kun tano ini idinara, lunad kan sarong ambulansya gikan sa saiyang kulungan pasiring sa sarong pinakaharani na ospital.
Soboot pagal asin sawa na an saindang lado sa mga delaying tactics, pagkakawat asin pagda-drama kaini mantang kinakaatubang an mga patung-patong na kaso.
Hurot pa kaini, dapat ng iuntok ni former Negros Oriental Representative Arnie Teves Jr. ini kasabay kan liwat na pangapudan na ini an mapanimbag na tangani an hustiya an makua na man nin dagusan.
An nasambitan ng dating kongresista an isinugod kan nakalihis na aldaw sa sarong ospital huli sa pigsasapo kaning matinding pangkukulog kan tulak na iyong namatean soboot magpuon pa kan nakalihis na banggi.
Sigun sa saiyang abogado na si Atty. Ferdinand Topacio, naglala soboot ini kinaagahan kaya man saindang inihagad na maidara ini tulos sa pinakaharani na ospital.
