Nagbulos an pagpapangadyi sa bilog na kinaban para ki Pope Francis na nagtitinir na yaon sa kritikal na kondisyon.
An 88-anyos na Santo Papa an dae naman soboot nagkaigwa nin panibagong respiratory attack alagad padagos na nakakareseber nin “high-flow” oxygen sa paagi kan nasal cannula.
Susog sa report, si Pope Francis an pigtatawan nin duwang units kan concentrated na red blood cells asin thrombocytopenia, an kondisyon na nagbubutwa enkaso an platelet count sa dugo an hababa.
An blood tests man kaini an nagpapahiling nin initial, mild, renal failure alagad kontrolado.
An Santo Papa, na iyo man an namamayao kan Catholic Church sa bilog na kinaban puon pa kan 2013 an pigdara sa Rome’s Gemelli hospital kan February 14 makalihis na makaekperyensiya nin pagsakit sa paghangos.
Ini an inisyal na na- diagnosed na igwa nin bronchitis alagad nag-develop sa pneumonia sa parehas na baga.
Sa ngunyan, padagos na pig-oobserbaran an kondisyon ni Pope Francis.
