Nangapudan si Presidente Ferdinand Marcos Jr., nin tulos na pagpapatibay sa Code of Conduct sa South China Sea kasabay kan pagbubukas kan 46th ASEAN Summit sa Kuala Lumpur, Malaysia kan nakalihis na aldaw nin Lunes.
Sa saiyang nagin patara-tara sa Association of Southeast Asian Nations (ASEAN) plenary session, inilatag kan Presidente an nakababahalang huma sa mga komunidad, kalakalan, asin pag-uswag kan mga hamong geopolitical, biglaang trade barriers, asin man climate change.
Kaya man dapat soboot magkasararo an mga nasyon asin man pakusugon an kaniya-kaniyang institusyon tangani man malampasan an mga posibleng huma sa futuro.
Sa hampang man kan ASEAN leaders, pighurot ni Presidente Marcos an posisyon kan Pilipinas na dapat nang rikasan an pagpapatibay kan sarong “legally binding” na Code of Conduct sa South China Sea tangani maprotehiran an maritime rights sa rehiyon, pigbusol an katatagan, asin malikayan ano man na kariribokan sa kadagatan.
Pigsierto man kan Presidente na padagos na makikipagtabangan an Pilipinas sa ASEAN tangani matinir na salbado, matuninong, asin man matatag, namamayo nin naaayon sa rule of law, mauswag, asin man makabago an rehiyon.
