NAGA CITY- Pigtawan duon kan sarong abogado na an pagpataw nin interest kan mga nagpapautang dapat an igwang kasuratan na pwedeng gamiton komo katibayan.
Sa entrevista kan Bombo Radyo Naga ki Atty. Michael Dela Peña, Registered Nurse sarong Legal Practitioner, sinaysay kaini na sa pagpapautang an pagpataw nin interest an dapat igwa nin kasuratan huli ta ini an nasa ley asin nagseserbeng katibayan orog na sa lado kan nagpapautang asin nag-uutang kun enkaso ipig-deny ini kan sa parte kan nag utang.
Dugang pa ni Dela Peña, an pagpapautang kan bombay iyo an legal alagad mayomg kasuratan depende sa pag ulay kan duwang lado.
Alagad enkaso an pagsingil iyo an nagpepwersa sa mga debtors pinagtawan duon kaini na madidipisilan an mga bombay na darahon sa korte an kaso huli ta an mga creditors naini dae lisensyado an transakyon kaya kinakaipuhan na igwa nin katibayan.
Mientrastanto, an mga online lending sa social media iyo an legal na magpautang alagad magin maingat orog na intindihon an kontrata, terms and condition asin partikularmente na an interest rate, huli sa kantidad na P1-k na saimong inutang may mga pagkakataon na naglolobo nin nasa 30-k sa pig-uutangan via online lending.
