Pigpahimutikan kan Commission on Elections, sa paagi kan Task Force KKK asin Office for Overseas Voting, an mga alegasyon na ipublikar soboot an Certified List of Overseas Voters (CLOV) sa official websites antes an Eleksyon 2025 na nagbayolar soboot sa data privacy o security breach.
An pahayag na ini an kasimbagan sa Facebook post kan Computer Professionals’ Union, kun saen binatikos kaini an pagluluwas online kan CLOV, na soboot nagbabalgar sa data privacy asin man nagtatao nin huma sa kasalbaduhan kan milyon-milyong overseas Filipinos.
Pigsayumahan kan Comelec an sinabi kan CPU asin man sinabing “false and malicious” ini, sabay-sabing an publikasyon kan CLOV ay legal asin obligado sa irarom kan Republic Act No. 10590, o Overseas Voting Act.
Ipinunto kan komisyon na dae nahiling kan union an key provisions kan ley partikular an Section 8 na nagtatao nin mandato na an Resident Election Registration Board an dapat na maglathala nin mga pangaran asin application details kan mga aplikante sa bulletin boards asin magin sa official website kan mga embahada asin konsulado.
Dagdag pa, inoobligar man kan Section 20 nin ley an Comelec na ipreparar asin man iluwas an CLOV, 90 aldaw antes na magpuon an overseas voting period.
An mga listahan na ini an dapat na itao sa kaukulang mga embahada asin man konsulado para sa public posting.
