Pigtawan duon ni Akbayan Partylist Rep. Perci Cendaña an pangangaipuhan na maisabatas an Comprehensive Anti-Political Dynasty Bill tanganing matuldukan an “toxic political family drama.”
Pigsaysay ini ni Cendaña sa tahaw kan tensyon kan mga miyembro kan pamilya Marcos kun saen pig-akusaran ni Senator Imee Marcos si First Lady Liza Araneta Marcos asin saindang mga aki sa paggamit kan ilegal na droga.
Duon pa ni Cendaña, an pasabog ni Senator Imee nagpapahiling na dae dapat gibuhong isyung pampamilya an pamamayo sa nasyon tanganing dae maapektaran an kamugtakan kan nasyon.
Sigun pa ki Cendaña, an pirang dekadang pamamayagpag kan political dynasties an kawsa kan presenteng estado kan politika sa nasyon kun saen nadadamay an namamanwaan sa agawan ninda kan kapangyarihan.
