NAGA CITY-Nagin matrayumpo asin matuninong an pagselebrar kan Bagong Taon sa bilog na probinsiya kan Camarines Sur.
Sa entrevista kan Bombo Radyo Naga ki PCPT. Liza Jane Alteza, Public Information Officer kan CSPPO, sinaysay kaini na nagin marhay an pagsabat kan New Year sa Camarines Sur huli naman sa mahigot na presensiya kan mga kapulisan orog na sa mga simbahan asin mga matatawong lugar.
Mayo man soboot nairehistro na nagpaputok kan saindang mga badil alagad pig-ako kan opisyal na igwang duwang indibidwal na naarestrar huli sa pagpapabakal nin boga mantang nagpakol man sa nasa labi 100 an nakumpiskar pa na improvized canon kasubangi hasta kasubagong mag-oomahagon.
Apwera digde, igwa man 7 insidente kan mga naputukan nin mga paputok na kinababalihan kan mga menor de edad.
Sa ibong kan nasambitan ng insidente, sa pangkabilugan nagin matuninong man an bilog na durasyon kan pagsabat sa bagong taon.
Sa ibong na lado, makalihis an pagselebrar kan Bagong Taon, padagos man an Oplan Presensiya kan mga personahe kan CSPPO tanganing masierto na dagos dagos na nababantayan an mga biyahero na mapuli sa Metro Manila.
Sa ngunyan, pigtawan duon na sana kan opisyal na padagos man an saindang pagtutok sa may parte kan Andaya asin Maharlika Highway orog na ta piglalaoman na naman an pagdagsa kan mga pasahero na mabalik sa saindang kanya-kayang ginikanan na lugar.
