Aram baya nindo mga ka-Bombo, pigsuhestuyon ngunyan kan mga siyentipiko an makabago asin dakulang potensyal kan solusyon sa pagsugpo kan helang na malaria.
Natukoy kan mga ini na posibleng bulongon an mga namok gamit an anti-malaria drugs tanganing mapugolan an paglakop kan helang na naggagadan sa haros 600,000 katawo kada taon, na kadaklan an mga aki.
Sa presente, an mga lakdang sa paglaban sa malaria an nakapokus sana sa paggadan sa mga namok gamit an insecticide.
Sa bagong paagi, pararahayon an mga namok kontra sa saindang impeksyon.
Sigun ki Dr. Alexandra Probst kan Harvard, ini an sarong bagong approach na magpapauntok sa soboot paglakop kan helang gikan sa mga namok.
Nakahiling an mga researcher nin duwang bulong na 100% soboot na epektibong nakakagadan sa malaria parasites na nakukua sa namok. Plano nindang gamiton an mga bulong sa mga bed nets, na may insecticides.
An mga bulong an igwa nin bisa nin hasta sa sarong taon, kaya ini an posibleng magin mas baratong alternatibo sa karaniwang insecticides. Sa ngunyan, matrayumpo an saindang mga pigsagibong eksperimento asin sa masunod na lakdang, isasagibo ini sa nasyon Ethiopia.
Dawa aboton pa nin anom na taon antes ganap na maaraman an bisa kan saindang enot na approach, igwa naman nin plano an mga researcher na pagsaroon an mga bulong asin insecticide sa mga nets para sa mas matibay na proteksyon kontra sa malaria.
