Nasa sadiri nang pagdesisyon ni Senador Ronald “Bato” Dela Rosa kun masuko siya bago an itinalaan na deadline kan gobyerno sa Biyernes, segun sa saiyang abogado na si Israelito Torreon.
Sinabi ni Torreon na aram na kan senador an mga posibleng magin resulta kan pagsuko o dai pagsuko.
Huri sinda nag-urulay kan Mayo, kan magluwas si Dela Rosa sa Senado.
Nagsumite man an legal team kan senador nin bagong manifestation sa Korte Suprema tanganing hagadon na liwaton an naenot na pagtanggi sa saiyang kahagadan para sa temporary restraining order kontra sa pag-aresto saiya.
Kabali sa mga bagong pangyayaring iprinesentar an pag-anunsyo nin P50 milyong pabuya para sa impormasyon na magdara sa saiyang pagkaaresto.
Kinuwestiyon man ni Torreon an legal na basehan kan pabuya asin iginiit na mayo nin warrant of arrest na iniluwas kan korte sa Pilipinas kontra sa senador.
Hinamon kaini an basehan sa pagdeklara ki Dela Rosa na wanted asin armed and dangerous, asin nagbabala sa posibleng peligro kaini sa buhay kan saiyang kliyente.
