Tnugutan kan House Appropriations Committee an Department of Public Works and Highways (DPWH) na ipagpauktaba an saindang pagpapasar kan panibagong prosopwestong budget para sa taong-2026.
An pag-aprobat na ini an kasimbagan sa pormal na kahagadan kan DPWH na tawan sinda nin mas halabang panahon tanganing maisumiter an nasambitan ng dokumento.
Sa paagu kan sarong surat na ipinadara sa Kongreso, ipinaliwanag ni DPWH Secretary Vince Dizon an pangangaipuhan para sa eksaktong panahon.
Sigun sa saiya, kaipuhan pa nindang masusing pag-adalan asin repasuhon an kadakol na dokumento na kaibahan sa prosopwestong budget.
Huli digde, pighagad ninda na baguhon an orihinal na talaang aldaw kan pagsumiter. Komo resulta kan pag-aprobar, an dating deadline na nakataalan sa ika-12 kan Setyembre, ibinalyo na sa ika-15 kan Setyembre.
Boot sabihon, igwa sindang dugang na tolong aldaw tanganing makumpleto an kinakaipuhang rebisyon asin maisumiter an binagong prosopwesto.
Apwera pa digde, inaprobaran man kan komite an pagpapauktaba kan ikaduwang budget briefing kan DPWH.
An nasambitan ng briefing an orihinal na nakatalaan sa ika-16 kan Setyembre, alagad ini an ibinalyo sa ika-17 kan Setyembre.
An pagbabagong ini an nagtatao man sa ahensiya nin mad kadakol na oras para sa pagpepreparar asin pagpapakarhay kan saindang presentasyon.
Dapat tandaan na kasuarin sana, ipinahayag ni Secretary Dizon an intensiyin kan DPWH na pag-adalan liwat asin pakarhayon an bilog na prosopwestong budget para sa masunod na taon.
An lakdang na ini an huli kan mga isyu asin kahaputan na naglutang katakod kan mga proyekto para sa flood contro.
Obheto kan rebisyon na masierto na an mga proyekto an epektibo asin nagsisimbag sa pangangaipuhan kan publiko.
