Ikinaogma kan Independent Commission for Infrastructure (ICI) asin Department of Public Works and Highways (DPWH) an marekas na pasusunad kan kaso sa Sandiganbayan kan mga imbwelto sa flood control projects.
Sigun ki DPWH Secretary Vince Dizon, mas marekas soboot an nangyaring pagsunad kan Office of the Ombudsman kumparar sa Napoles scandal kaidto.
Dugang pa Dizon, ini huli sa pagtatabangan asin marekas na aksyon kan Department of Justice (DOJ), Ombudsman, ICI asin DPWH.
Marurumduman kasuudma kan pig-anunsiyar kan Office of the Ombudsman na dagusan nang pigkasuhan sa Sandiganbayan si dating Rep. Zaldy Co, pirang opisyal kan Region 4B (MIMAROPA) asin pira pa sa miyembro kan Board of Directors kan Sunwest Inc., makalihis na ma-imbwelto sa maanomalyang proyekto.
Nag-ugat an mga pigsunad na kaso sa iregularidad sa P289.5-M na kantedad kan proyekto para sa flood control sa Naujan, Oriental Mindoro na kinontrata kan Sunwest Inc.
