Pigsierto kan gobierno kan Pilipinas na dae sinda mauntok sa paghahabol ki dismissed Bamban Mayor Alice Guo maski dagusan na ining nakaluwas kan nasyon.
Ginibo ni Presidential Anti-organized Crime Commission (PAOCC) Spokesperson Winston John Casio an nasambitan ng pahayag makalihis na mapabareta na nakatakas na si Guo.
Sigun ki Casio, nareseber ninda an impormasyon gikan sa dayuhang immigration office na nakipagtabangan sa sainda.
Paliwanag kan opisyal, nakalusot si Guo huli sa pag-agi kaini na sa back door na boot sabihon dae nag-agi sa imigrasyon.
Pigsierto man Casio na maninimbag sa ley an siisay na nagtabang ki Guo na makaluwas nin nasyon asin dagusan ng makatakas. Duwa sana soboot an paagi tanganing mahabol si Guo. Enot an pagsusunad nin extradition request sa pinal na nasyon na dinumanan kaini asin sa paagi kan Interpol “Red notice”.
