Nagtao nin kahandalan an temporaryong pagsuspinde kan propwestong ₱85 na paglangkaw kan sweldo aroaldaw sa National Capital Region (NCR) sa mga obrero asin negosyante.
Sa intrevista kan bombo Radyo Naga kay Dr. Emmanuel A. Onsay, CPA – Economist and Assistant Professor, Partido State University, sinaysay kaini na pwedeng makaapektar man ini sa implementasyon kan wage increase sa ibang rehiyon.
Tinawan duon na mantenidong hababa an minimum wage sa Pilipinas kumpara sa ibang mga nasyon kan ASEAN, sa ibong kan padagos na paglangkaw kan presyo kan mga basic commodities.
Dugang pa ni Onsay na an presenteng sweldo bakong igo tanganing makasimbag sa inflation. Mientrastanto, nanindugan an nagkapirang Micro,Small,and Medium Enterprises na posibleng magpalangkaw kan saindang gastos asin makaapektar sa saindang operasyon an paglangkaw kan sweldo.
Pigladawan pa ni Onsay na ipinarisa man na haros parareho an presyo kan mga basic commodities sa mga probinsya asin Metro Manila, kun kaya hinagad an rebisyon kan presenteng minimum wage setting system.
Komo solusyon sa halawig na panahon, nangapudan an mga eksperto para sa mas dakol na trabaho, mas dakulang puhunan sa mga probinsya, asin mga polisiya na makakapauswag kan kabuhayan kan mga obrero asin kan ekonomiya kan nasyon.
INSERT VC DR. EMMANUEL A. ONSAY, CPA – Economist and Assistant Professor, Partido State University
