NAGA CITY- Pigtawan duon kan Camaligan Municipal Police Station na dakulang tabang para sa mga indibidwal na naabuso an pagtabang asin pagmakulog kan iba tanganing matabangan an mga ini na makabuhat sa saindang kinakahampang na sitwasyon.
Sa entrevista kan Bombo Radyo Naga ki PCPT. Fatima Lanuza, Deputy Chief of Police Wowen and Children Protection kan Camaligan MPS, sinaysay kaini na maikokonsederar na mas igwang kusog an citizen arrest.
Boot sabihon pwedeng mag-arestrar an sarong tawo enkaso nakakasaksi o nakakadangog ini nin pang-aaabuso nasa laog o luwas man kan harong.
Dugang pa ka opisyal, enkaso dae mangiaram an sarong indibidwal maski malinaw na naabuso na an sarong tawo, pwedeng kasuhan an siisay man na dae ginibo an saiyang responsibilidad sa siring na sitwasyon.
Katakod kaini, pigtawan duon pa ni Lanuza na an pambansang pulisya an dae sana nagigibo kan saindang trabaho kundi pigkoonsederar nindang pagtatao nin serbisyo an kada pag-aksyon sa mga narereseber na reklamo dapit sa pang-aabuso.
Pigsaysay pa kan opisyal na naglalangkaw an kaso kan pang-aabuso asin wowen abuse sa nasyon kun kaya kaipuhan an pagkasararo tanganing tolos na masimbagan an nasambitan ng problema.
