NAGA CITY – Padagos na an pagtanggal kan mga poste na nasa gilid kan tinampo sa Naga City.
Sa paghampang sa mga kagawad kan media ni Naga City Mayor Leni Robredo, sinaysay kaini na pigpuonan na ninda an siring na operasyon sa Brgy. Balatas, kun saen, mapadagos pa ini alagad naabala sana ta igwang mga lugar na habo magpakalot nin huli ta dae pa ini bayad kan siyudad na saro man obligasyon kan City Government.
Katakod kaini, pigkaulay na kan opisyal kan City Legal Counsel Office, an mga property owners na may problema, asin an iba an nagtugot naman. Segun pa ki Robredo, 671 poste pa sana an natatanggal.
Mientrastanto, dakula man an pasasalamat kan alkalde sa CASURECO nin huli ta maski nagsayuma an nasambitan ng kooperatiba nin huli ta dae klarado an pag-abot sa saindang bayad, nagpadagos paman ini sa paghahali kan mga poste.
Suhestyon man ni Robredo na an DPWH an mabayad sa kooperatiba orog na ta kabali pa ini sa saindang program of work.
Dugang pa kaini, na antes an inauguration nagpa meeting na sinda sa mga Telcos asin naghahalat na sana soboot an mga ini asin preparado ng magkabit.
Apwera digde, pighurot pa kan alkalde na ribayan na an mga lumang poste nin mga bagong poste.
