Isasalang kan Pilipinas an 20 national athletes sa maabot na 9th edition kan Asian Winter Games na ikukundusir sa Harbin, China sa Pebrero 7 hasta 14.
Ini an magigin enot na lakdang kan mga atleta sa pagpuntirya sa kaenot-enoting Winter Olympics medal, sigun ki Philippine Olympic Committee (POC) president Abraham “Bambol” Tolentino.
Dae pa nanggagana nin medalya an nasyon sa Winter Olympics ku kaya naglalaom si Tolentino na mangyayari ini sa irarom kan saiyang liderato makalihis buhaton ni weightlifter Hidilyn Diaz an kaenot-enoting Olympic gold kan nasyon sa Tokyo Games kan 2021.
Kasunod kaini an duwang gintong medalya na naibulsa ni gymnast Carlos Edriel Yulo sa men’s floor exercise asin vault events sa 2024 Paris Olympics.
Apwera pa digde, an tig-sarong tanso ninda Pinay boxers Nesthy Petecio asin Aira Villegas.
