NAGA CITY – Liwat na pinagirumduman kan DepEd Bicol an mga atleta na nakapagpuli nin kapangganahan sa kakatapos pa sana na Palarong Bicol 2025 na imantinir an pagigin humble o mababang loob.
Sa nagin patara-tara ni Bebiano I. Sentillas, Assistant Regional Director kan DepEd Bicol, sinaysay kaini na an anuman na matrayumpong kompetisyon an dapat na iselebrar nin huli ta pagpapahiling sana ini sa dakulang pag-apresyar sa oras asin panahon na itinao kan mga atleta, coaches asin trainers sa pagkundusir kan nasambitan ng aktibidad.
Katakod kaini, pig-enkaminar man kan opisyal an mga nasambitan ng indibidwal na mantiron an saindang passion sa ladangan kan karawat tanganing kadakol pa an magpadagos kan siring na field.
Dae soboot magigin posible an anupaman na event kun mayo an kooperasyon kan lambang mga tawo o grupo na imbwelto digde.
Kun kaya dapat sana na ipahiling an dakulang pagpapasalamta sa gabos na mga tawo na padagos an pagtataong suporta digde.
Mientrastanto, pigheras man kan opisyal na an mga dibisyon sa Bicol Region igwa nin kaniya-kanyang respresentante para sa Palarong Pambansa alagad an mga dae pinalad na manggana sa Palarong Bicol, pig-enkaminar na maglapigot sa mga masurunod na karawat.
