Pigtawan duon kan Department of Justice na saindang bibistuhon an mga pahayag ni Orly Regala Guteza sa pigkundusir na pagdangog kan Senate Blue Ribbon Committee kamakailan.
Sigun ki Justice Secretary Jesus Crispin Remulla, pwede naman na gamiton ini huli ta pinanumpaan na ni Guteza an mga sinaysay sa Senado. Matindog na soboot ini komo opisyal na pahayag sa ibong kan mga isyung kinakahampang mapadapit sa saiyang affidavit na soboot igwa nin probelama sa pagkakanotaryo.
Kaya man tangani maseguro asin matawan kalinawagan an nasambitan ng salaysay, pahihiruon kan sekretaryo magin an National Bureau of Investigation tangani ipa-subpoena an ‘notarial book’ kan abogado.
Kasunod man kan dae pagsipot ni Guteza sa nakatalaan kuta na ‘appointment’ ki Justice Secretary Remulla, sa presente an mayo pa man ining pamati sigun sa sekretaryo.
Alagad sa ibong man kaini, pigsierto ni Sec. Remulla na saindang dae igigilid an mga isiniwalat ni Guteza, kundi seryoso inking iimbestigaran. Liwat pa kaining pighurot na mayong susurugan an DOJ sa mga pigtutukdong imbwelto soboot sa flood control projects anomaly.
Marurumdumang si Orly Guteza an iyong nagdawit sa pangaran ninda former House Speaker Martin Romualdez asin resigned Ako Bicol Party-list Rep. Zaldy Co sa kontrobersyal na flood control projects.
