Nag-viral online an pahayag kan aktres na si Liza Soberano makalihis ining mag-uyon sa pangapodan ni Pasig City Mayor Vico Sotto na likayan an kadahasan sa mga hiro-protesta.
Ini an katakod kan protesta sa hampangan kan St. Gerrard Construction kan pamilya Discaya, kun saen nagkapirang raliyista gikan sa grupong Kalikasan an naggapo nin dalnak asin gapo, siring man nagsurat nin “magnanakaw” sa gate kan establisyemento.
Sigun ki Mayor Sotto, dapat siertuhon na salbado an mga obrero, guwardiya asin mismong mga raliyista.
Suportado ini ni Liza na nagpost sa X (dating twitter) na igwang mas marhay na paagi kan pagpapahayag kan saloobin na dae nadadamay an mga inosenteng tawo.
Nakaguno ini nin manlaen-laen na reaksiyon sa social media – igwang mga pagtuyaw sa saiya, asin sinabing garo pinagtatanggol soboot kaini an mga may kaso kan katiwalian mantang an pira man, ipinagtanggol an aktres.
Nilinaw man kan aktres na an pigtutukoy kaini iyo an mga ordinaryong obrero sana.
