Aram baya nindo ka-bombo, sarong babae na gikan sa Ohio an nagbakal nin painting sa kantedad na $2.99 sa sarong thrift store alagad ini an naipabakal sa auctioned sa kantedad na $2,875.
An nasambitan kaya na painting an nadiskubrer na gibo ni Johann Berthelsen.
Susog sa report, an babae na si Marissa Alcorn residente kan Dayton siringman an saiyang fiance nagdesisyon na magpundo sa Goodwill store makalihis an saindang pagkakan nin pamanggihan.
Kan mahali na soboot an duwa nahiling ni Marissa an sarong interesanteng frame na yaon sa sarong cart na pigdara kan sarong empleyado sa tindahan.
Sigun ki Marissa maski dae kaini nagayunan an painting saiya pa man giraray binakal huli ta nagkakantedad sana ini nin $2.99.
Kan ilulunad na an painting sa saindang behikulo napansin kan babae an sadit na plaque sa irarom kan frame.
Huli sa kuryusidad, pig-reseacrh soboot kaini an pangaran asin duman na nadiskbre na an painting an gibo ni Johann Berthelsen. Si Berthelsen, sarong pamosong American impressionist na binawian nin buhay kan taong in 1972 asin an saiyang mga work of art an kadalasan naipapabakal sa kantedad na thousands dollars.
Katakod kaini, an mga miyembro kan free art appraisal group sa sarong media platform pig-enkaminar si Marissa na ipa-authenticate an nasambitan ng painting sa sarong auction house sa Caza Sikes.
Digde na pigkumpirmar kan mga eksperto na totoong gibo ini ni Berthelsen na igwang titulo na Chapel, St. Patrick’s Church.
An painting an naipabakal sa kantedad na $2,875 asin gagamiton soboot ni Marissa an kwarta para sa nararaning kasal kaini.
