Padagos an pagbulos kan pakikidumamay kan mga kabisto, amigo asin mga nakatrabaho kan nagtalikod na sa kinaban na si Superstar asin National Artist Nora Aunor.
Kabali sa nagpahayag kan saindang kamunduan an nagkapirang mga artista asin director kan pelikula makalihis na mabaretaan an pagkagadan kan beteranang actress.
Nangenot digde si Vilma Santos kun saen pinasalamatan kaini an nagtalikod na sa kinaban na actress na nakaibahan kaini sa pelikulang “T-Bird at Ako” kan 1982.
Marurumduman, nagin magkaribal an mga fans ninda Vilma asin Nora na nabilog man kaidto komo Vilmanians asin Noranians.
Mientrastanto, pigheras man ni Hilda Koronel an saiyang labing kamunduan sa pagkagadan kan Superstar, igwa pa soboot kuta sindang mga plano sa mga masunod na aldaw o panahon.
Nagluwas man nin tribute video an Director’s Guild of the Philippines Inc. kun saan pig-omaw ninda an tibay kaini sa pag-arte.
Marurumduman, binawian nin buhay si Nora Aunor kasubanggi, Abril 16, 2025 sa edad na 71-anyos.
