Pigpagiromdoman kan Catholic Priest an mga katoliko na an palaspas an bako sanang sarong palamuti kundi sarong pagiromdom sa mga mananampalataya kan importansiya kan pag-ako ki Hesukristro sa saindang buhay.
Sigun ki Fr. Jerome Secillano, spokesperson kan Roman Catholic Archdiocese of Manila, na an palaspas an bako sanang pigtatago sa harong komo lucky charm o panlaban sa kararatan.
Tanda ini soboot kan kapreparaduhan asin pagigin bukas na akuon si Jesus sa satuyang mga puso asin harong.
Dugang pa kan padi, dapat magtinir na tapat an gabos ki Hesus hasta sa huri.
Pigseselebrar man kan Roman Catholics ngunyan na aldaw an Palm Sunday, komo pagpuon kan Holy Week.
Sigun ki Father Secillano, an domingo nin palaspas an pig-aapod man na Passion Sunday.
