Nangangapudan si Palestinian President Mahmoud Abbas sa padagos na pagpauntok kan giyera sa Gaza.
Sa video message kaini sa United Nations General Assembly (UNGA) na importante soboot na magtarabangan an mga nasyon tanganing mapundo na an piggigibong genocide kan Israel.
Marurumduman an nasambitan ng giyera nagkawsa nin kagutuman, pagkaraot asin pagkawara nin mga istaran kan mga Palestino sa Gaza.
Pigsaysay pa kan opisyal na mayong hustisya kun dae mapapalibre an mga Palestino.
Preparado soboot ining makipagtabangan sa US , Saudi Arabia, France asin UN tanganing maipautob an peace plan sa Gaza.
Kan nakalihis na semana pig-endorso kan 193 member kan UN General Assembly an pitong dahon nin deklarasyon na obheto an magkaigwa nin two-state solution para sa Israel asin Palestinian asin pagpapauntok kan giyera sa pag-ultanan kan Israel asin Hamas sa Gaza.
Marurumduman nag-video message na sana an Palestinian leader makalihis na sayumahan ni US President Donald Trump an mga lider kan Palestine kan saindang US Visa tanganing maka-atendir sa taunang UN summit sa New York.
