Nag-iribahan an mga Palestinians harani sa United Nations Relief and Work Agency Aid Center sa Jabalia tanganing makaresebir nin tabang makalihis na harangon kan Israel an paglaog kan aid trucks sa Gaza.
Hinarang kan Israel an paglaog kan gabos nin humanitarian aid sa Gaza huli ta pighahagad kaini sa Hamas na magtugot sa plano kan Estados Unidos dapit sa pagpapalawig kan ceasefire o untok-putokan.
Naenot nang sinaysay kan opisina ni Israeli Prime Minister Benjamin Netanyahu na pinatibay kaini an prosopwesto ni Steve Witkoff, envoy ni US President Donald Trump para sa paramientras na untok-putukan sa Gaza ngunyan na Ramadan asin Passover, pirang oras makalihis na mag-expire an enot na parte kan naenot na kasunduan na ceasefire.
Kun mapagkakasunduan, an untok-putukan an pupunduhon hasta sa katapusan kan Ramadan fasting period sa Marso 31 asin an Jewish Passover holiday sa Abril 20.
