NAGA CITY- Pigheras kan Agromet station sa CBSUA-Pili an mga risikitos asin kagayunan kan pagigin weather oberver asin forecaster.
Sa entrevista kan Bombo Radyo Naga ki Ian Neil Nuñez, OIC kan CBSUA-Pili Agromet Station, sinaysay kaini na kinakapuhan na an sarong indibidwal an degree holder na konektado sa physics, thermodynamics, mathematics asin magkaigwang Training in Meteorology Certicate.
Ini tanganing magin eligible sa nasambitan ng magigin trabaho.
Bukas man an ahensiya sa mga scholarship para sa nasambitan ng lado.
Sigun pa ki Nuñez an mga igwang civil service eligibility may bentahe nin huli ta dugang na puntos ini.
Importante soboot na kadakol na tawo an ma-enkaminar na maglaog sa siring na klase kan trabaho orog na ngunyan na labi na an pagbabago kan panahon asin makukusog na kalamidad an naeeksperyensiyahan.
Mas kadakol na empleyado, mas marhay para sa state weather agency kan nasyon para sa mas marekas na serbisyo sa publiko.
Sa ngunyan, pig-enkaminar na sana ni Nuñez an mga mawot mag entrance exam na hilingon an mga vacant positions sa official website kan saindang ahensiya.
