NAGA CITY – Nagpagirumdom sa mga paratukdo an pamayuhan kan DEPED Camarines Sur kan tamang pagsimbag sa mga problema asin mga agrangay o reklamo kun saen dae dapat soboot e-post sa social media.
Sa entrevista kan Bombo Radyo Naga ki Atty. Salvador Pelingon Division Information Officer, DEPED Camarines Sur, sinaysay kaini na an mga paratukdo haluyan man o baguhan pa sana pare-pareho an ginagampan na trabaho asin mayo dapat soboot under digde.
Alagad kun nagkakataon man na an mga haluyan ng paratukdo nagsusugo pupwede ini sarong pakiulay sa saimo asin magin giya tanganing makanuod sa saindang nakasanayang trabaho.
An mga siring kaining kaso posible na huli pa sa pagkakaigwa nin dae pagkakaintindihan alagad piglinaw kan opisyal na an mga nagtatrabaho sa DEPED an pantay-pantay sana man.
Mientrastanto, pigtawan duon ni Atty. Pelingon na kun igwang mga concerns na siring kaini o namamatean na bakong healthy an environment kan pinagtatrabahuhan pwede man na ipaabot sa grievance mechanism sa irarom kan DEPED order 35 series 2004 kan eskwelahan huli ta ini an marhay na paagi para sa interpersonal concerns sa eskwelahan o sa katrabaho.
Imbes na iheras ini sa social media ipaabot na sana sa tamang nanunugdan tanganing magkaigwa nin tamang proseso kan DEPED asin malikayan an mga personal biasis asin public opinion huli ta an kada indibidwal an igwa nin limitasyon sa freedom of expression.
Sa ngunyan, pagirumdom na sana kan opisyal sa mga paratukdo na mantiniron an marhay na pag-iribahan asin kun igwang dae pagkaintindihan dangugon an parehas na lado tanganing malikayan an mas orog pang dakulang problema.
