NAGA CITY- Labi an kaogmahan kan pamayuhan kan DepEd Iriga makalihis na mag host an saindang division sa pigkundusir na 19th ALS Encampment sa Bicol Region.
Sa entrevista kan Bombo Radyo Naga ki Dr. Mariano De Guzman, Schools Division Superintendent kan DepEd Iriga, sinaysay kaini na an 19th Regional ALS Encampment an para sa mga estudyante kan Alternative Learning System kun saen maikokonsederar soboot na magayon na inobasyon sa lado kan edukasyon.
Pinagpartisiparan ini kan nasa 13 schools Division offices.
Sigun ki De Guzman sa bilog na nasyon sulamenteng an Bicol Region sana soboot an nagbubusol kan nasambitan ng aktibidad.
Katakod digde, limang aldaw an camping kan mga estudyante kun saen digde naman pigpahiling an saindang mga talento asin personal development.
Pigkundusir man sa nasambitan ng aktibidad an manlaen-laen an extra asin academic curricular kun saen pinahiling kan mga partisipantes an saindang pagigin competitive sa manlaen-laen na ladangan.
Pigtawan duon kan opisyal na dakulang bagay na an mga estudyante sa ALS an nae-expose sa mga bagay na ini tanganing orog pang magtalubo partikularmente ta an ALS an alternatibo sa regular basic education.
Sa ngunyan, nagpasalamat na sana an opisyal sa saindang mga nakatabang orog na an lokal na gobierno kan Iriga para sa aktibong suporta sa paagi kan financial, material asin human support na rason tanganing magin matrayumpo an nasambitan ng aktibida
