Dae nagtrayumpo na makaabante an pambato kan nasyon na si Kayla Jean Carter sa next round kan kompetisyon asin nagtapos sa Top 20 sa Miss Charm 2024.
Sa coronation night na pigkundusir sa Nguyen Du Stadium sa Ho Chi Minh City, Vietnam kan Sabado, nakipagtagisan an pambato kan Pilipinas sa swimsuit portion nin pagkabanggi. Siringman, nabigo ining mag-abante sa Top 10.
Antes ini, sa evening gown ni Kayla sulot kaining aubergine beaded gown ni Mara Chua.
Dae man nagpahuri si Kayla sa saiyang national costume na gibo ni Ryan Ablaza Uson na bandera an watawat kan Pilipinas gamit an pambansang kulay asin butterfly sleeves.
Sigun ki Uson, nagsisimbolo an national costume sa misyon kan pageant na ibusol an kultura, turismo, asin edukasyon.
Si Kayla an hinirang na Miss Charm Philippines 2024 kan Hulyo, matapos mag-atras si Krishnah Gravidez sa saiyang titulo.
