Nangapodan an pamilya kan mga biktima kan war on drugs sa International Criminal Court (ICC) na ibasura an bagong apelar kan kampo ni dating Presidente Rodrigo Duterte na untukon an gabos kan nagpapadagos na paglilitis asin isugo an tulos asin mayong kondisyong pagpapalibre sa dating Presidente.
Sa sarong statement, binatikos kan kampo kan drug war victims an lakdang kan kampo ni dating Presidente komo padagos na pagpoporbar tanganing takasan an hustisya asin paninimbagan.
Pig-enkaminar man ni National coordinator of Rise Up for Life and Rights Rubylin Litao an ICC na ipagpadagos an pagkumpirmar sa mga kaso asin pag-arestar sa mga co-perpetrator kan dating Presidente sa orog na marekas na panahon.
Marurumduman, sa 21 dahong apelar na isinumiter kan defense team ni dating Presidente Duterte sa ICC Appeals Chamber kan nakalihis na Nobyembre 14, pig-angat kaini an desisyon kan Pre-Trial Chamber 1 kan nakalihis na Oktubre 23 na nagpapatibay sa otoridad kan korte tanganing ipagpadagos an kaso kontra sa dating Presidente para sa soboot crimes against humanity katakod sa mga paggadan sa irarom kan war on drugs kan saiyang administrasyon.
