NAGA CITY – Pighuhurot kan pamilya kan biktimang nagadan huli sa aksidente sa Magarao, Camarines Sur na mag-utob sa kasunduan an pamilya kan suspek sa nangyaring aksidente.
Sigun ki Rebecca Balcueva, hipag kan biktima, may agom asin aki na nawalat an biktima, kun asin igwa man ining mga makuapong pigsusuportaran nin huli ta mayo soboot an mga ama kan saiyang mga makuapo.
Dugang pa kaini nagkakalakal sana an biktima, asin nagtetenir sa banwaan nin Bombon. Nahihirak man ini sa pamilya kan biktima, nin huli ta ini sana soboot an piglalaoman kan pamilya kaini na naghahanap-buhay.
Pigbaretaan man soboot ini na naputulan nin bitis an saiyang hipag, na dai pa ninda hasta sa presente nahihiling an lawas. Sigun ki Balcueva interong nakaapon an padjak kan biktima sa awto kun saen nagtuwal pa ini.
Ini man soboot an pig-gagamit kan biktima kan ini nagkakalakal. Komo kaparientes kan biktima, sainda soboot nin aasikasuhon sa ngunyan na maipalubong ini asin matawanan nin suporta an mga makuapo kaini.
Duwang taon asin ma-sarong taon pa sana man soboot an mga apo na nawalat kaini. Sigun ki Balcueva, sampulong taon na nin nagkakalakal an biktima antes ini binawian nin buhay huli sa nangyaring aksidente.
Nagkaigwa naman soboot sinda nin pag-uulay kaibanan an lado kan suspek kun saen matao an lado kaini nin ₱300,000 para sa pagpalubong kan biktima asin iba pang gastuson.
