Aram baya nindo mga ka-bombo, liwat na nakaibahan kan sarong pamilya sa Chicago an saindang padangat na Ido na nawara asin liwat na nakabalik makalihis an haros 10 taon.
Sigun ki Edmon Lighthall, 51-anyos, an saiyang ataman na Ido na lahing poodle-doodle an nawara haros dekada na an nakakalihis kun saen saindang nilaoman na napasiring na sa ibang pamilya.
Alagad sa ibong kan kaisipan na ini, dae nag-untok an pamilya ni Edmon na hanapon an nawawarang Ido.
Katakod digde, kan nakalihis na September 22 nakareseber nin apod si Edmon gikan sa pet microchip registration company, na nagsasabi na saindang nahanap na an nawawarang atamang hayop sa Hammond, Indiana.
Tolos man na nagbiyahe si Edmon sa Hammond tanganing mahiling asin liwat na makaibahan an nawawarang Ido.
Sa ngunyan, makalihis an sampulong taon maogmang nakabalik an Ido sa tunay kaining istaran.
