Nagpakol na sa 57,647 na mga pamilya o katampad kan 176,962 na mga indibidwal an apektado kan matinding pagbaha ngunyan sa nagkapirang parte kan Mindanao dara kan nag-iiral na Inter-Tropical Convergence Zone (ITCZ).
Sigun sa mga report kan DSWD-Disaster Response Management and Information and Communication, gikan sa mga rehiyon kan Region IX, X XI, XII asin kan Bangsomoro Autonomous Region in Muslim Mindanao an mga nagtitinir na apektado kan baha.
Kasunod kaini, pig-ebakwae na an 1,564 na mga pamilya asin presenteng nagdadagos sa 13 mga evacuation centers sa rehiyon mantang 1,732 na mga pamilya man an nag-ebakwar na asin nakidagos paramientras sa saindang mga kapamilya o mga kabistado.
Mientrastanto, piglalaoman na mapadagos pa an pagbaha sa mga nasambitan ng rehiyon na iyong nagpuon pa kan Mayo 15.
Sa ngunyan, pagsierto kan ahensiya, igwa pang nakatalaang P3.234 bilyong kantidad kan mga relief resources an saindang opisina tanganing magin dagos-dagos an pagpapaabot nin tabang sa mga apektadong residente.
