(UPDATE) NAGA CITY- Nasa salbado nang kamugtakan an 11 mga miyembro kan sarong pamilya kabale na an pitong mga menor de edad makalihis na aksidenteng nagtagilid an saindang bihikulo sa Libmanan, Camarines Sur.
Sa entrevista kan Bombo Radyo Naga ki P/Supt. Errol Garchitorena, hepe kan Libmanan PNP, sinaysay kaini na nag-overtake sa tuong parte kan tinampo an driver kan mitsubishi wagon na si Raul Valencia, 47-anyos mantang pigbabagtas kaini an kalabaan kan dalan sa barangay Mambulo Nuevo.
Mahalnas suboot an tinampo huli sa mga nakatambak na daga sa gilid kaini kaya nagresulta ini sa pagtagilid kan bihikulo ni Valencia.
Nagpaparahay naman kan saindang pigsapong lugad sa lawas an walong mga pasahero kabale na an limang mga menor de edad kan nasambitang bihikulo.
Napag-araman na hale pa sa Abucay, Bataan an mga biktima asin pasiring kuta na sa banwaan nin Bula kan mangyari an aksidente.
