Binawian na nin buhay an bistadong writer na si LJ Smith sa edad na 66-anyos.
Pigkumpirmar ini kan saiyang partner na si Julie Divola asin tugang na babae na si Judy Clifford.
Dae na soboot kaini nakayanan an pakikpaglaban sa autoimmune disease asin binawian nin buhay sa saindang harong sa Walnut Creek, California.
Si Lisa Jane Smith an ipinangaki kan Setyembre 4, 1958 sa Florida asin nagdakula na sana sa California.
Nag-adal ini kan experimental psychology sa University of California, Santa Barbara kun saen nagtrabaho komo special education asin kindergarten teacher.
An enot na nobela na saiyang naisurat iyo man an The Night of the Soltice na sarong fantasy book na ginibo kaini kan high school pa sana.
Nagkaigwa ini nin kasunduan sa Alloy Entertainment tanganing isurat an The Vampire Diares na nagpuon sa tolong libro na pigluwas kan 1991 asin pigsundan kan pang-apat kan 1992.
Taong 2009 kan ginibong TV series an nasambitan ng libro hasta naipagpadagos kan 2017.
Nagkapira pa sa mga ginibo kaining nobela iyo an young adult series na Dark Visions asin Night World siringman an The Secret Circle.
