NAGA CITY– Pinaghahanap ngunian kan mga otoridad an mga suspek na responsable sa suboot nangyaring panghoholdap sa sarong pampasaherong bus sa Tiaong, Quezon.
Sa nagunong impormasyon kan Bombo Radyo Naga gikan sa Tiaong PNP, napag araman na mantang binabagtas kan P&O bus an kalabaan kan tinampo sa Maharlika Highway sa Barangay Lusacan sa nasambitan ng banwaan kan bigla na sanang magpundo an lunadan tanganing mag pick-up nin pasahero.
Nagpamalo-malo suboot na mga pasahero an mga suspek kun sain tinabangan pa an mga ini kan konduktor na si Errol Espina, 30 anyos na ilaag sa compartment an mga dara kaining gamit alagad bigla na sana suboot tinutukan nin badil si espina asin an driver na si Rizalito Sibulo, 49 anyos asin nagdeklara nin holdap.
Kaibahan sa nilalay kan mga suspek an P8,000 kun sain dai pa ini nakontento, inilaag pa sa nasambitan ng compartment an konduktor kaibahan an ibang bagahe.
Sa ngunian, nagpapadagos pa an imbestigasyon kan mga otoridad mantang pinaghahanap na man an mga suspek na tulos nagdulag makalihis an insidente.
