Pigkonektar ngunyan an nangyaring pananaksak sa Haifa, Israel kan nakalihis na aldaw nin Lunes na nagresulta sa pagkagadan kan sarong indibidwal na nagin enot na insidente man nin kadahasan magpuon kan magbungkaras an ceasefire sa Gaza kan bulan nin Enero.
An insidente ay nangyari sa sarong bus asin train station sa Haifa, kun saen halo-halo an populasyon kan Hudyo asin Arabo.
Basado sa mga otoridad pigkakarkulong nasa 70 anyos an binawian nin buhay asin an apat na iba pang tao an irido sa nsambitan ng insidente.
Pigladawan man kan Israeli police an insidente komo sarong “terorist attack” asin kinumpirmar na an suspek ay miyembro kan Druze Arab minority kan Israel na nagadan kan mga pulisya sa sarong engkwentro.
Siringpaman kan magpuon an ceasefire deal sa Gaza piglalaoman kan mga tagapamayapang nasyon an pagbaba kan mga siring na klase kan insidente kun saen an buot sabihon ay bahagyang nag hupa makalihis an labi sa 15 bulan na gyera sa pag ultanan kan Israel asin Hamas.
