Pigsunad kan Makabayan bloc kaibahan an grupong Bayan an panduwang impeachment complaint kontra ki Presidente Ferdinand “Bongbong” Marcos Jr. sa House of Representatives ngunyan na aldaw.
Pig-akusaran an Presidente kan betrayal of public trust na iyong pig-endorso kan mga lehislador gikan sa Makabayan bloc.
Alagad dae pig-ako kan Office of the Secretary General kan House of Representatives an ikaduwa kutang impeachment complaint kontra ki President Ferdinand Marcos Jr. Katakod digde, pigpaliwanag man kan grupo na nagwalat sinda nin kopya kan complaint sa opisina.
Sigun kaya sa staff kan opisina mayo soboot si Secretary General kaya dae ninda ini pwedeng resebehon.
Pigpahayag man ni Rep. Antonio Tinio na madulok an grupo sa Office of the Speaker dapit sa saindang impeachment complaint makalihis na dae akuon kan Office of Secretary General.
Marurumduman, kan nakalihis na Martes, pigsunad man an enot na impeachment complaint kontra ki Presidente Marcos ni Atty. Andre de Jesus asin pig-endorso kan Pusong Pinoy party-list na si Rep. Jett Nisay.
An nasambitan ng impeachment complaint an pormal na pighatod sa Office of the House Speaker.
