Pigsunad kan Makabayan bloc kaibahan an grupong Bayan an panduwang impeachment complaint kontra ki Presidente Ferdinand “Bongbong” Marcos Jr. sa House of Representatives ngunyan na aldaw.
Pig-akusaran an Presidente kan betrayal of public trust na iyong pig-endorso kan mga lehislador gikan sa Makabayan bloc.
Sa irarom kan kasuguan kan House of Representatives, an beripikadong complaint para sa impeachment an kaipuhan na isunad sa Office of the Secretary General asin tolos na ibabalyo sa opisina kan House Speaker.
Makalihis na mareseber, igwa sanang 10 aldaw an Speaker na ibali ini sa order of business sa Kongreso.
Marurumduman, kan nakalihis na Martes, pigsunad man an enot na impeachment complaint kontra ki Presidente Marcos ni Atty. Andre de Jesus asin pig-endorso kan Pusong Pinoy party-list na si Rep. Jett Nisay.
An nasambitan ng impeachment complaint an pormal na pighatod sa Office of the House Speaker.
