NAGA CITY- Sarong aldaw makalihis na magpaugma an mga kasuldadusan kan 9th Infantry Division (ID), Phiippine Army (PA) sa mga evacuees sa probinsya nin Albay kasabay kan Valentine’s Day, nakatalaan man na isagibo ngunian na aldaw an send off ceremony sa mga suldados na liwat ipapadara sa Mindanao tanganing magtabang sa pagmamantinir nin katoninongan sa lugar.
Sa entrevista kan Bombo Radyo Naga ki Captain Joash Pramis, head kan Division of Public Affairs Office (DPAO), sinaysay kaining gikan sa 901st Infantry Brigade (IB) an mga dugang na suldados na ipapadara sa nasambitan ng rehiyon.
Kinakarkulong maabot man sa pukomas o menos 100 na suldados an nasambitan ng grupo.
Katakod kaini, nakatalaan man na magkaigwa nin sarong seremonya para sa mga suldados komo parte suboot kan pagtatao sa mga ini nin pagkakataon na makapagpaaram sa saindang mga mawawalat na pamilya sa Bikol.
Sigon ki Pramis, saro sa mga magiging misyon kan nasambitan ng grupo an pagsiyerto sa seguridad asin katoninongan sa nasambitan ng lugar.
Napag araman na ini na man an pang-apat na grupo na naipadara kan 9ID sa Mindanao kun sain enot nang nagtinir sa lugar an tropa kan 49th IB, 65th IB asin 42nd IB sa tahaw kan tensyon sa ciudad nin Marawi asin mga kataid na banwaan.
